കോട്ടയം: ലോക സ്ട്രോക്ക് ദിനത്തോടനുബന്ധിച്ചു കാരിത്താസ് ഹോസ്പിറ്റലും കാരിത്താസ് കോളജ് ഓഫ് നഴ്സിംഗും സംയുക്തമായി സംഘടിപ്പിച്ച ക്വിസ് മത്സരത്തില് തിരുവനന്തപുരം യൂണിവേഴ്സിറ്റി ഓഫ് കേരള ഒന്നാം സ്ഥാനം നേടി.
സുല്ത്താന് ബത്തേരി സെന്റ് മേരീസ് കോളജ്, കോട്ടയം എംജി യൂണിവേഴ്സിറ്റി എന്നിവര് രണ്ടും മൂന്നും സ്ഥാനങ്ങള് കരസ്ഥമാക്കി. ഒന്നാം സ്ഥാനക്കാര്ക്കു 10,000 രൂപയും സര്ട്ടിഫിക്കറ്റും ലഭിച്ചു. കാരിത്താസ് ഹോസ്പിറ്റല് ഡയറക്ടറും സിഇഒയുമായ റവ. ഡോ. ബിനു കുന്നത്ത് വിജയികള്ക്ക് സമ്മാനങ്ങള് വിതരണം ചെയ്തു.
സ്ട്രോക്ക് പരിചരണം, രോഗലക്ഷണങ്ങള് തിരിച്ചറിയല്, പ്രതിരോധ മാര്ഗങ്ങള് എന്നിവയെക്കുറിച്ച് അവബോധം നല്കുക എന്ന ലക്ഷ്യത്തോടെ നടത്തിയ പരിപാടി ക്വിസ് മത്സരത്തിനു മെന്റര് സിദ്ധാര്ഥ് ആര്. വൈലോപ്പിള്ളി നേതൃത്വം നല്കി. കാരിത്താസ് ഹോസ്പിറ്റല് ജോയിന്റ് ഡയറക്ടര് ഓഫ് അഡ്മിനിസ്ട്രേഷന് ഫാ. ജിനു കാവില്, ജോയിന്റ് ഡയറക്ടര് ഫാ. സ്റ്റീഫന് തേവരപ്പറമ്പില്, കാരിത്താസ് നഴ്സിംഗ് കോളജ് വൈസ് പ്രിന്സിപ്പല് പ്രഫ. സിസ്റ്റര് ലിസി ജോണ്, കാരിത്താസ് ന്യൂറോ സയന്സ് കണ്സള്ട്ടന്റുമാര് തുടങ്ങിയവര് പരിപാടിയില് പങ്കെടുത്തു.
കാരിത്താസ് ഹോസ്പിറ്റലിലെ ഡയമണ്ട് ജൂബിലി ഹാളില് നടന്ന മത്സരത്തില് കേരളത്തിന്റെ വിവിധ ഭാഗങ്ങളിലെ 70 കോളജുകളില് നിന്നുള്ള 150 വിദ്യാര്ഥികള് പങ്കെടുത്തു.